تعلم الألمانية وحقق حلمك في الدراسة، العمل، أو التكوين المهني
حنا ماكنبيعوش ليك فيديوهات مسجلة. الدروس ديالنا كلها لايف عبر Google Meet. تقدر تسول الأستاذ في الحين، تشارك مع صحابك، وتدرب على النطق بحال إلى راك في قسم حقيقي.
اللغة كتبغي الممارسة ديما. داكشي علاش كنقريو 5 أيام في السيمانة (من الإثنين للجمعة). هاد الوتيرة كتخليك تعقل على الكلمات، تفهم القواعد بالزربة، وتطور المستوى ديالك في وقت قصير.
فـ Germoria كنقريو أقسام صغار (8 حتى لـ 10 ديال الناس) باش نعطيوك وقت كافي للـ Sprechen (الهضرة). ما بغيناكش غير تبقا تصاوب تمارين القواعد، بغيناك تهضر وتطلق لسانك.
حنا واثقين من الجودة ديالنا. جرب معانا سيمانة كاملة، وإلا ما عجبكش الحال أو شفتي بلي الطريقة ما مسلكاكش، كنرجعو ليك فلوسك فالبلاصة وبلا كثرة الأسئلة.
اللغة ماشي غير قواعد، اللغة ثقافة ومعيشة. الأستاذ ديالك عاش، قرا، وخدم فـ ألمانيا لمدة طويلة، وهادشي لي كيخليه يعطيك الخلاصة ديال اللغة بلا زواق وبطريقة كتفهمها نتا كمغربي.
عايش وسط الألمان وعارف اللغة ديال الشارع، الخدمة، والقراية.
درس وعاون مئات الطلبة المغاربة يوصلو لأهدافهم ويدوزو الامتحانات بنجاح.
مدرس متخصص للمغاربة
استمع لآراء الطلاب الذين درسوا معنا واجتازوا الامتحانات بنجاح.
"بفضل أساتذة جيرموريا، قدرت نجيب B1 في وقت قياسي. طريقة الشرح مبسطة ومفهومة جداً."
"كنت خايفة من اللغة، لكن مع الحصص التفاعلية وليت كنهضر بكل ثقة. شكراً للمعهد."
"أحسن حاجة هي المتابعة الفردية. الأستاذ كيعطي وقت لكل واحد فينا باش يصحح ليه الأخطاء."
حنا فـ Germoria مَا كانبيعوش عقود التكوين المهني (Verträge). الهدف ديالنا هو نعلموك الألمانية بأحسن طريقة ممكنة. إلى قريتي اللغة مزيان ووصلتي للمستوى المطلوب، غادي تقدر تجيب العقد لراسك فابور بلا ما تخلص حتى واحد. وحنا غادي نعاونوك فابور ونشرحو ليك كيفاش توجد الوراق وكيفاش تدفع.
هاد الشروط حطيناها عن تجربة سابقة. هادي هي أحسن وأسرع طريقة باش تطور مستواك. الناس لي كيقراو غير بالتليفون وهما متكيين، للأسف بهاد الطريقة ماغاديش يقدرو يتعلمو الألمانية بالزربة.
القراية خاصها تكون من حاسوب (PC) ماشي تليفون. باش تقدر تشوف الدروس بوضوح، تشارك فالتمارين، وتكون مركز 100%.
ضروري تخدم الكاميرا ديالك وسط الحصة. هادشي كيخلي القسم تفاعلي وكيعاون الأستاذ يشوف واش راك متبع وفاهم الشرح.
اللغة هي الممارسة. التمارين لي كيتعطاو (Hausaufgaben) خاصهم يتخدمو قبل الحصة الماجية، باش نقدرو نصححوهم ونتقدمو.
باش نضمنو ليك أحسن جودة، كنخدمو بكتاب DaF Kompakt، لي هو نفس المقرر الرسمي لي كيخدمو بيه فـ Goethe Institut. هاد الكتاب معروف باللي كيعطيك الخلاصة وكيركز على المحادثة (Sprechen) من النهار الأول.
املأ الاستمارة وسنتواصل معك عبر الواتساب لتأكيد تسجيلك.